MA maqsadli auditoriya
MA maqsadli auditoriya (target audience) — keng yoki tor (jins, yosh, geografiya, qiziqishlar, kasb, ma’lumot, oilaviy holat, u yoki bu guruhga mansublik va boshqa) belgilariga ko‘ra birlashgan va kompaniya yoki brend manfaatdor bo‘lgan foydalanuvchilar guruhi.
Maqsadli auditoriya
Maqsadli auditoriya – marketing jamoasi ehtimoli eng yuqori xaridorlar deb belgilagani uchun kompaniyangiz jalb qilishga intiladigan insonlar guruhi.
Marketing avtomatizatsiyasi
Marketing avtomatizatsiyasi – foydalanuvchilarga ular sodir etayotgan harakatlar va sayt bilan o‘zaro munosabat uslubi asosida kontentni intellektual va avtomatik yo‘llash jarayoni.
Marketing o‘ramasi
Marketing o‘ramasi – mijozingizning har bir qadami xaridni amalga oshirishga yaqinlashtiruvchi yo‘li.
Marketing trendi
Marketing trendi – turli industriya marketologlari foydalanadigan ommaviy strategiya yoki taktika.
Marketing-kit
Marketing-kit – kompaniya taqdimoti va uning xizmatlarini sotish vositasi. Qoidaga ko‘ra, bu kompaniya haqida to‘liq tasavvur beruvchi marketing materiallari komplektidir.
Marketingda ilgarilatish
Marketingda ilgarilatish (promotion) – talab ortishi va pirovardida, sotuvlar oshishiga qaratilgan marketing choralari kompleksi.
Mashinaviy o‘qitish
Mashinaviy o‘qitish (Machine Learning) – sun’iy intellekt tarmog‘i, unda kompyuter vazifalarni bajarish davomida o‘rganadi va yig‘ilgan tajriba tufayli takomillashadi.
Matnning hissiy tahlili
Hissiyotlarni tahlil qilish - bu matndagi hissiy jihatdan yuklangan lug'atni, shuningdek, muallifning matnda muhokama qilingan obyektlar haqidagi fikrlarini (hissiy baholarini) avtomatik ravishda aniqlash uchun mo'ljallangan kontentni tahlil qilish usullari sinfidir.
Mavzu
Mavzu (Subject Line) – xabaringizdagi uning mazmunini ochib beruvchi satr.
Media-monitoring
Media-monitoring – bu monitoring obyekti (brend yoki shaxs) haqidagi tilga olishlarni kuzatish, qayd etish va interpretatsiyalashdir. Media-monitoringda butun digital-makon (ijtimoiy tarmoqlar, onlayn-OAV, mulohazalar saytlari, forumlar va sh.k.)da tilga olishlarni tadqiq qilish mumkin
Media-reja
Media-reja (media plan) — bu muayyan vaqt uchun reklama kampaniyalarining batafsil rejasidir. Unda reklama kanallari, maydonchalar, muddatlar, kampaniya maqsadlari va albatta byudjetlar va prognoz-natijalar – KPI aks etadi. Sodda qilib aytganda, media-reja – bu reklama byudjeti nimalarga sarflanadi va bu kompaniyaga foydalimi-yo‘qligini tushunish mumkin bo‘lgan jadvaldir.
Media-tahlil
Mediatahlil – obro‘ga doir xatarlarni aniqlash va tezkor munosabat bildirish, kompaniyani samarali ilgarilatish va maqomini mustahkamlash, kommunikatsiyaviy jarayonlarni qurish uchun kompaniyaning OAV va ijtimoiy mediadagi axborot faolligi va raqobat maqomini baholash.
Mehmon postingi
Mehmon postingi – tashqi havolalar olish usuli, bunda begona blog (sayt) uchun maxsus post yoziladi va unda saytingizga havola kiritib ketiladi.
Mem
Mem — insondan insonga verbal, noverbal, internet orqali o‘tadigan g‘oya, timsol yoki nomoddiy olamning boshqa obyektidir. Mem tashuvchi ichida ko‘rinishini o‘zgartirish, unga va umuman jamiyatga ta’sir ko‘rsatishi mumkin.
Messenjer
Messenjer (messenger)— foydalanuvchilar o‘rtasida xabarlar almashish uchun mo‘ljallangan ilova yoki dastur.
Meta-tavsif
Meta-tavsif (Meta Description) – izlash natijalarida sahifangizga havola ostida namoyon bo‘luvchi HTML-teg. Unda sahifa nima haqdaligi yoziladi, bu tavsif 320 belgidan oshmasligi lozim.
Meta-teglar
Meta-teglar – sayt html-sahifasining izlash tizimlari tomonidan sahifa mazmunini tahlil qilish va uning u yoki bu iboraga relevantligini aniqlash uchun ishlatiladigan xizmat maydonlari.
Mijoz yo‘li
Mijoz yo‘li (Customer Journey) – potensial mijozning mahsulotingiz xaridigacha sayohati. Unga iste’molchining tashkilot bilan barcha o‘zaro munosabatlari kiradi.
Mijozlar ketib qolishi
Mijozlar ketib qolishi (Churn Rate) – obuna yoki xizmatlardan voz kechgan mijozlar sonini aniqlovchi ko‘rsatkich.
Mikro-konversiya
Mikro-konversiya – foydalanuvchi maqsadli harakatni amalga oshirgunga qadar bosib o‘tadigan barcha oraliq bosqichlar. Masalan, internet-do‘konda xarid qilganda u saytga kiradi, katalogning muayyan sahifasiga o‘tadi, tovar xarakteristikasini o‘qiydi, tovarni savatga soladi, saytda ro‘yxatdan o‘tadi va yangiliklarga yoziladi, buyurtmani rasmiylashtiradi. Bu harakatlar zanjirining hammasi – mikro-konversiya. Mikro-konversiyani kuzatish xaridorning kayfiyatini tushunish va qaysi qadamda xarid uzilib qolishini tekshirish imkonini beradi.
Mikrosayt
Mikrosayt – mavzuiy brend kontenti uchun ikkinchi darajali sayt.
Minus-so‘zlar
Minus-so‘zlar – e’lonlarni nomaqsadli auditoriyaga namoyish etishni istisno qilish uchun kontekstli reklama sozlamalariga kiritib qo‘yiladigan so‘zlar jamlanmasi. Shunda izlash satriga minus-so‘zlarni kiritgan foydalanuvchilar reklama e’lonini ko‘rmaydilar. Minus-so‘zlar ro‘yxatini Yandeks Direkt va Google AdWords'da, kontekstli reklama parametrlarini sozlashda kiritish mumkin.
Mobil marketing
Mobil marketing – interaktiv ilgarilatish taktikasi bo‘lib, uning doirasida kontent mobil qurilmalarda ko‘rish uchun qulay tarzda qayta shakllanadi.
Moderatsiya
Moderatsiya (moderation) — hamjamiyat qatnashchilari yoki maydoncha foydalanuvchilari tomonidan belgilangan xatti-harakat va muloqot qoidalariga rioya etilishini ta’minlashga qaratilgan nazorat choralari kompleksi.
Monitoring
Monitoring — atrof-muhit va jamiyatda ro‘y beradigan, natijalari insonlar va iqtisodiy obyektlar xavfsizligini ta’minlash bo‘yicha boshqaruv qarorlarini asoslashga xizmat qiladigan hodisalar va jarayonlarni doimiy kuzatish tizimi.
Mukofot ovchisi
Mukofot ovchisi – muntazam asosda tarmoqda turli tanlovlar qidirish va ularda qatnashish bilan shug‘ullanuvchi foydalanuvchilar. Buning usullaridan biri – ko‘plab foydalanuvchi akkauntlarini ochish va “ular nomidan” tanlovda ovoz berish.
Multihavola
Multihavola — foydalanuvchining barcha messenjerlari, ijtimoiy tarmoqlar bo‘yicha ma’lumotlarni, harakatlanish uchun qo‘llaniladigan internet-xaritalarda manzil ko‘rsatish va, ayrim hollarda, hatto do‘kon, ofis yoki salon manzilini qo‘yish imkonini beruvchi havola.
Multivariativ testlash
Multivariativ testlash (Multivariate Testing) – eng dolzarb formatni topish uchun bir xabarning turli formatlarini testdan o‘tkazish usuli. A/B testlashdan farqli ravishda, bu yerda bir unsur emas, bir vaqtda bir necha unsur o‘zgaradi.
Munosabat
Munosabat – foydalanuvchining ijtimoiy mediadagi kontentga nisbatan o‘z kayfiyati va hissiyotlari (ijobiy va salbiy)ni aks ettirishi, u maxsus tugmaga bosish va tegishli grafik tasvirni tanlash orqali ifodalanadi. Facebook, Odnoklassniki, Youtube uchun relevant.