Reklama va raqobat to’g’risida qonunlar loyihalari ko'rib chiqilmoqda
![](https://marketing.uz/uz/uploads/articles/1461/article-original.jpg)
Hurmatli hamkasblar!
Uyushmamizning jo‘shqin faoliyati sababli men, uyushma raisi sifatida, Monopoliyaga qarshi kurashish qo'mitasi huzuridagi Jamoatchilik kengashi a'zoligiga taklif etildim va Jamoatchilik kengashida O‘zbekiston marketing uyushmasining vakili bo‘laman.
O/zbekiston Respublikasi Monopoliyaga qarshi kurashish qo‘mitasi tadbirkorlar uchun o‘ta muhim bo‘lgan ikkita qonun – “Reklama to‘g‘risida”gi va “Raqobat to‘g‘risida”gi qonun loyihalarini tayyorlagan.
Hamjamiyatimizda ushbu hujjatlar bilan tanishish va o‘z mulohazalarimiz, tavsiyalarimizni berish imkoni mavjud. Bu qonunlar qanday bo‘lishi hozirda bizning fikr-mulohazamizga ham bog‘liq.
O‘z fikrlaringizni 19-iyulga qadar menga shaxsiy xabar orqali yo‘llashingizni so‘rayman. Men esa, Jamoatchilik kengashi a'zosi sifatida, sizning xabarlaringiz tegishli instansiyagacha borishini ta'minayman!
Hurmat bilan,
Diyor Mirzaaxmedov
O‘zbekiston Marketing uyushmasi raisi