Yilning marketing yakunlari:

2023-yil uchun Oʻzbekiston brendlari va agentliklari marketing samaradorligi reytingi eʼlon qilindi.

Yil oxirida Oʻzbekiston marketing uyushmasi anʼanaviy ravishda, yil yakunlariga koʻra Oʻzbekiston brendlari va agentliklari marketing samaradorligi reytingini eʼlon qiladi. 2023-yilning yakuniy reytingi marketing.uz saytida eʼlon qilingan. Brendlar reytingidan oʻtgan yildagi 496 oʻrniga 571 qatnashchi joy oldi, Agentliklar reytingida oldingidek 49 qatnashchi mavjud.

Oʻzbekiston hududida oʻz faoliyatini rasman yuritayotgan hamda mahalliy va xorijiy tanlovlarda, festivallarda va mukofotlarda qatnashuvchi istalgan brend va agentliklar Reyting qatnashchisi boʻlishi mumkin. Reyting Oʻzbekistonda keyingi ikki yilda marketing sohasidagi eng samarali kompaniyalarning professional yutuqlarini aks ettiradi va bozorda oʻz maqomiga ega boʻlish hamda ilgarilatishning toʻgʻri strategiyasini xolis baholashning yagona umumqabul qilingan vositasi sanaladi.

Reytingda ballar professional tanlovlar va mukofotlarda qatnashish yakunlariga koʻra, Reyting saytidagi Nizomda koʻrsatilgan roʻyxatga muvofiq koeffitsiyentlar bilan beriladi.

Reyting brendlari umumiy roʻyxati yetakchi uchtaligiga “Ishonch”, “TBC Bank”, “Payme” kiradi. Agentliklar reytingi favoritlari — “Sintez”, “Lokals Central Asia”, “We Digital”.

Quyida – segmentlar boʻyicha ayrim yetakchilar:

Non-food Retail - Ishonch
Food Retail - Korzinka
Banklar - TBC Bank
Ichimliklar - Coca-Cola Uzbekistan
Kafe va restoranlar - MAQOM BAR
Toʻlov tizimlari - PAYME
Sugʻurta kompaniyalari - Gross Insurance
Kuchmas mulk - Murad Buildings
Mobil operatorlar - Uztelecom
Fitnes/Sport/TO - BeFit
Avto - Kia Uzbekistan
Bolalar tovarlari va xizmatlari - BABY HOUSE
Internet-doʻkonlar - Uzum market

Yoʻnalishlar boʻyicha agentliklar yetakchilari:

Creative, strategy - CИНТЕЗ
Branding - MAN’O Branding
Digital - We Digital
Creative - VSEBUDET
Video production - Abstract Visuals