Brend qiymatini hisoblash: biznesingiz o‘sishi uchun yangi imkoniyatlar
Brend qiymatini hisoblash: biznesingiz o‘sishi uchun yangi imkoniyatlar
O‘zbekiston brendlarida investorlar e’tiborini jalb qilish, sarmoya qiymatini baholash yoki raqobatbardoshlikni oshirish uchun o‘z qiymatini hisoblash imkoniyati yuzaga keldi.
Zamonaviy bozorni brend degan tushunchasiz tasavvur qilib bo‘lmaydi. Iste'molchi tovarni tanlar ekan, ko‘p hollarda uning funksionalligidan tashqari, brendiga ham e’tibor beradi. Mahsulot yodga olinganda aksariyat iste'molchilar tasavvurida bozor yetakchilari bo‘lgan brendlarning muayyan majmuasi shakllangan, masalan: telefon — iPhone, fen — Dyson, krossovka — Nike va sh.k.
Brend haqidagi fikr sifat, mulohazalar, reklama va servis ta’siri ostida shakllanadi. Kuchli brend ko‘proq e'tibor jalb etadi, mijozlar sadoqatini oshiradi va raqobat afzalligini beradi. U balandroq narx qo‘yishga imkon yaratadi, chunki iste'molchilar ishonch uchun to‘lashga tayyor bo‘ladilar.
Bugungi kunda brend – bu logotipning o‘zi emas, brend – bu kompaniya va mahsulotning yaqin yillardagi rivojining iste’molchilar uchun tushunarli va maqbul bo‘lgan yaqqol strategiyasi, brend qiymati esa – bu sadoqatli auditoriya sababli biznes oladigan real foydadir. Odamlar brendga ishonadilar, uni qayta-qayta tanlab oladilar, u haqda boshqalarga so‘zlab beradilar va bu hammasi kompaniya daromadiga bevosita ta’mir ko‘rsatadi.
U yoki bu brend qancha turishi haqida hech o‘ylab ko‘rganmisiz? Brend rivojiga kiritiladigan barcha sarmoya – vaqt, pul, bilim – real natija keltirishi lozim. Ma’lum bo‘lishicha, biznes qiymatini hisoblab chiqish mumkin ekan. Bu shunchaki raqam bo‘lmay, sadoqatli auditoriya sababli biznes qo‘lga kiritadigan real foyda bo‘larkan.
Brend qiymatini qanday hisoblash mumkin?
2025-yilda brendlar uchun yagona mukofot – “Brand Awards International” tashkilotchilari – O‘zbekiston marketing uyushmasi va O‘zbekiston Respublikasi Raqobatni rivojlantirish va iste'molchilar huquqlarini himoya qilish qo‘mitasi birinchi marta brendlarga o‘z qiymatlarini bilib olish imkonini yaratadi.
Hisoblash “katta to‘rtlik”da ko‘p yillik ish tajribasiga ega mutaxassislar tomonidan amalga oshiriladi. Brendning indikativ qiymatini hisoblashda “Royaltidan ozod bo‘lish” uslubi qo‘llaniladi.
“Bunday imkoniyat O‘zbekiston brendlariga birinchi bor taqdim etilayotgani sababli, O‘zbekistondagi brend hisoblashi amalga oshirilgan ilk brend “Octobank” bo‘lgani chuqur ramziy ma’noga ega. 2024-yil natijalariga ko‘ra, bank jiddiy natijalarga erishdi va o‘zini bozorning mijozlarga mahsulotlar integratsiyasida qulaylik va yuqori darajada servis taqdim etim etayotgan, jo‘shqin rivojlanayotgan, innovatsion qatnashchisi sifatida ko‘rsatdi,- qayd etdi O‘zbekiston marketing uyushmasi boshqaruvi raisi Diyor Mirzaahmedov. Brend qiymati borasida olingan natijalar “Octobank”ga marketing samaradorligini baholash imkonini berib, joriy qiymatni baholashda ko‘maklashadi va “Octobank” umumiy qiymatiga brend qanchalik ta’sir qilishini tushunishga xizmat qiladi.
“Brand Awards International” mukofoti ekspert guruhining hisob-kitobi va xulosasiga ko‘ra, 2025-yil fevral oyiga “Octobank” brendining taxminiy bahosi 30 000 000 AQSh dollarini yoki, 17.03.2025 sanasidagi MB kursi bo‘yicha, 388 143 186 543 so‘mni tashkil qiladi.
Hisoblash uchun kompaniyaning uzoq muddatli tushum prognozi, tegishli industriya bo‘yicha o‘rtacha bozor royalti stavkasi va individual xatarlarni hisobga oluvchi diskontlangan stavka qo‘llanildi.
Brend qiymatini hisoblash biznesingizni rivojlantirishga qanday ta’sir ko‘rsatishi mumkin?
- Sarmoya qiymatini baholashda ko‘maklashadi
Brend qiymati – bu joriy qiymatini baholashgina emas, balki brend kompaniyaning umumiy qiymatiga qanday ta’sir ko‘rsatishini tushunish hamdir. Brend qiymatini bilish strategik investitsiyalar, kompaniya xarid qilish yoki sotish bo‘yicha qarorlar qabul qilishda ham yordam beradi.
- Investorlar va hamkorlar jalb qilishdagi plyus
Kuchli brendga ega kompaniyalar o‘z moliyaviy iqtidorini va raqobat afzalliklarini namoyish eta oladilar. Brend qiymatini hisoblash investorlar va hamkorlarni jalb qilishda yordam beradi, chunki brend – bu boshqa aktivlar fonida biznesning qiymatini sezilarli oshirib bera oladigan muhim aktivdir.
Marketing samaradorligini baholash
Brend qiymati marketing va reklama kampaniyalari qanchalik samarali ishlayotganini tushunishda yordam beradi. Agar brend qiymati o‘ssa, bu marketing to‘g‘ri yo‘naltirilganini anglatadi. Agar brend qiymati o‘tgan yildagiga nisbatan pasaysa, bu maqomlashuvda yoki brend obro‘sida muammolar borligiga ishora qiladi.- Raqobatbardoshlikni oshiradi
Brend qiymati qanchalik yuqori bo‘lsa, bozordagi uning maqomi ham kuchliroq bo‘ladi va iste'molchilar ishonchini qozonishga ko‘proq imkoniyatga ega bo‘ladi. - Obro‘ va xatarlarni boshqarish
Brend qiymatini bilish kompaniya obro‘si bilan bog‘liq potensial xatarlarni aniqlashda ko‘maklashadi. Masalan, brend qiymatining pasayishi inqiroz yoki auditoriyadagi salbiy munosabat oqibati bo‘lishi mumkin. Bunday muammolarni aniqlash tezroq munosabat bildirish va asoratlarni minimallashtirishda yordam beradi.
Qiymatni hisoblashda brendlar uchun imkoniyatlar to‘g‘risida va mukofot qatnashchilari haqida saytda batafsil tashishingiz mumkin https://bai-2024.marketing.uz/