Reglament

Marketing xizmatlari ko'rsatuvchi agentliklar
O'zbekiston Marketing Assotsiatsiyasi Reestri
to'g'risidagi Nizom

1. Umumiy qoidalar

1.1. Marketing xizmatlari ko'rsatuvchi agentliklarning O'zbekiston Marketing Assotsiatsiyasi Reestri (keyingi o'rinlarda — Reestr) — ushbu Nizomga muvofiq shakllantirilgan, O'zbekiston Respublikasida marketing xizmatlari ko'rsatuvchi agentliklar ro'yxatini o'z ichiga olgan, Internet tarmog'idagi ochiq va umumiy foydalanish uchun mo'ljallangan axborot resursidir.

1.2. Reestr quyidagi maqsadlarda shakllantiriladi va yuritiladi:

• jismoniy va yuridik shaxslarni Reestr yo'nalishlari bo'yicha agentliklar haqidagi dolzarb axborot bilan ta'minlash;
• agentliklar faoliyatining ochiqligi va samaradorligini oshirish;
• potensial buyurtmachilarga pudratchilarni topishda ko'maklashish.

1.3. Reestr agentliklar faoliyatining quyidagi yo'nalishlarini o'z ichiga oladi:

1. Consulting. Marketing konsaltingi sohasida xizmat ko'rsatuvchi agentliklar biznesning muayyan marketing vazifalarini hal etishga qaratilgan kompleks xizmatlar ko'rsatadi. Bunga rivojlanish strategiyasini ishlab chiqish, umumiy rejalashtirish, yangi mahsulot yoki xizmatni bozorga chiqarish bo'yicha bosqichma-bosqich reja tuzish, xavflarni tahlil qilish kiradi.

2. Strategy. Strategik marketing agentliklari kompaniya auditi, bozor va maqsadli auditoriyani o'rganish asosida biznesni rivojlantirish bo'yicha umumiy marketing strategiyasini ishlab chiqish yuzasidan maslahat va loyiha xizmatlarini ko'rsatadi.

3. Marketing Research. Marketing tadqiqotlari agentliklari ma'lumotlarni yig'ish va tahlil qilishga ixtisoslashgan. Ular bozor va iste'molchilar tadqiqotlari, fokus-guruhlar, so'rovlar, intervyular, biznes va xodimlar samaradorligini tahlil qilish xizmatlarini ko'rsatadi.

4. Marketing Education. Marketing sohasida ta'lim faoliyati bilan shug'ullanuvchi kompaniyalar (kurslar, ma'ruzalar, seminarlar va boshqalar).

5. Full cycle agency. To'liq siklli agentliklar marketing strategiyasini ishlab chiqishdan boshlab uni amalga oshirish va reklama kampaniyalari samaradorligini baholashgacha bo'lgan kompleks xizmatlarni taqdim etadi.

6. SMM. Brendlarni ijtimoiy tarmoqlarda (Facebook, Instagram, TikTok) targ'ib qilish, trafik, mijozlar va savdoni oshirishga qaratilgan xizmatlar.

7. Digital media. Internetda biznesni targ'ib qilish, kontekstli, bannerli, targetlangan va mobil reklama kampaniyalarini yuritish bilan shug'ullanuvchi agentliklar.

8. SEO. Veb-saytlarni Google va Yandex qidiruv tizimlarida yuqori o'rinlarga olib chiqish orqali trafik va savdoni oshirish bilan shug'ullanuvchi agentliklar.

9. Influence marketing. Blogerlar, mashhur shaxslar va ekspertlar orqali mahsulot va xizmatlar haqidagi fikrni shakllantiruvchi agentliklar.

10. Website development, mobile applications, bot. Veb-saytlar, mobil ilovalar va Telegram-botlarni ishlab chiqish va texnik qo'llab-quvvatlash bilan shug'ullanuvchi agentliklar.

11. Performance marketing. Natijalari aniq o'lchanadigan raqamli marketing vositalaridan foydalanadigan agentliklar (kontekstli reklama, target, SMM, CPA, web-analitika va boshqalar).

12. Platform. Digital-marketing servis va texnologiyalar guruhi.

13. PR. Brend obro'si va jamoatchilik bilan aloqalarni boshqarish bilan shug'ullanuvchi PR-agentliklar.

14. Creative. Reklama g'oyalari, kreativ kontseptsiya va ijodiy yechimlar ishlab chiqishga ixtisoslashgan agentliklar.

15. Branding. Brend identifikatsiyasi, pozitsiyalash, neyminq va vizual identifikatsiya ishlab chiqish bilan shug'ullanuvchi agentliklar.

16. TV Media. Televizion va an'anaviy OAVda reklama joylashtirish bilan shug'ullanuvchi media-agentliklar.

17. Video Production. Professional video reklama, promo va teleko'rsatuvlar ishlab chiqaruvchi studiyalar.

18. Event. Biznes va marketing tadbirlarini tashkil etish bilan shug'ullanuvchi event-agentliklar.

19. Outdoor media. Tashqi reklama ishlab chiqish va joylashtirishga ixtisoslashgan agentliklar.

20. Outdoor production. Reklama mahsulotlarini ishlab chiqarish, montaj va servis xizmatlarini ko'rsatuvchi kompaniyalar.

21. Indoor advertising. Jamoat binolari ichida reklama joylashtirish bilan shug'ullanuvchi agentliklar.

22. Transport advertising. Jamoat va tijorat transportida reklama joylashtirish bilan shug'ullanuvchi agentliklar.

23. Souvenirs, gifts. Reklama suvenirlari va biznes-sovg'alarini taqdim etuvchi agentliklar.

24. Geo marketing. 2GIS, Google Maps, Yandex Navigator kabi geoservislar orqali mahalliy auditoriyaga yo'naltirilgan marketing xizmatlari.

25. 2D/3D design. 3D texnologiyalar asosida vizualizatsiya, animatsiya va dizayn xizmatlarini ko'rsatuvchi agentliklar.

2. Reestrni shakllantirish tartibi

2.1. O'zbekiston Marketing Assotsiatsiyasi (keyingi o'rinlarda — Assotsiatsiya) Reestrni Assotsiatsiya hamkorlari, shuningdek Marketing xizmatlari qo'mitasi tavsiyalari asosida shakllantiradi.

2.2. Reestrga kiritiladigan agentliklar haqidagi ma'lumotlar to'liq va ishonchli bo'lishi shart hamda ularning faoliyati O'zbekiston Respublikasi qonunchiligiga muvofiq bo'lishi lozim.

2.3. Reestr ishtirokchisiga nisbatan salbiy ma'lumot kelib tushganda, u Reestr va reytinglar bo'yicha qo'mita tomonidan tekshiriladi. Tasdiqlangan taqdirda, ishtirokchi ogohlantiriladi yoki takroriy holatda Reestrdan chiqariladi.

2.4. Kamida uchta agentlik tomonidan taklif kiritilganda, Reestr yo'nalishlari kengaytirilishi mumkin.

2.5. Reestrda ishtirok etish bepul. Reestrni kengaytirishda pullik tartib Qo'mita qaroriga asosan joriy etilishi mumkin.

3. Reestrni to'ldirish tartibi

3.1. Reestr unga kiritilish uchun ariza topshirgan agentliklar hisobiga to'ldiriladi.

3.2. Buning uchun Reestr sahifasida elektron ariza to'ldiriladi.

3.3. Arizada quyidagi ma'lumotlar ko'rsatiladi:

• Agentlikning yuridik nomi
• Brend nomi
• Agentlik haqida ma'lumot
• Xizmat turlari
• Aloqa raqami
• Veb-sayt
• Rahbarning F.I.Sh.
• Logotip

3.4. “Agentlik haqida” bo'limida tarix, asosiy mijozlar yoki muvaffaqiyatli loyihalar va barcha resurslarga havolalar ko'rsatilishi lozim. Xizmat turlari bo'limida 5 tadan ortiq yo'nalish tanlash mumkin emas.

3.5. Qo'mita arizani yaqin onlayn yig'ilishda ko'rib chiqadi va qaror qabul qiladi. Qaror 3 ish kuni ichida nomzodga yetkaziladi. Rad etilgan taqdirda sabablar ko'rsatiladi.

3.6. Ijobiy qaror qabul qilinganda, agentlik Reestr ishtirokchisiga aylanadi va logotipi tanlangan (5 tadan ko'p bo'lmagan) yo'nalishlarda joylashtiriladi.

3.7. Reestrda ishtirok muddatsiz. Ishtirokchi 2.3-bandga muvofiq yoki yuridik shaxs tugatilgan taqdirda chiqarilishi mumkin.

4. Reestr ishtirokchilarining huquq va majburiyatlari

4.1. Reestr ishtirokchisi quyidagi huquqlarga ega:

• Reestrda ishtirok etayotgani haqida xodimlari, mijozlari va manfaatdor shaxslarni xabardor qilish;
• Reestrga havolani axborot va reklama resurslarida joylashtirish;
• Reestrni takomillashtirish bo'yicha takliflar kiritish.
• 4.2. Reestr ishtirokchisi quyidagilarga majbur:
• Yuridik ma'lumotlardagi o'zgarishlar haqida Assotsiatsiyani xabardor qilish;
• Ishonchli va to'g'ri ma'lumot taqdim etish.

5. Yakuniy qoidalar

5.1. Nizolar yuzaga kelganda, masala Assotsiatsiya Boshqaruvi tomonidan ko'rib chiqiladi.

5.2. Reestrga kiritilgan ma'lumotlar uchun mas'uliyat agentlik zimmasiga yuklanadi.