2022-yil iyul oyida “Iqtisodiy tahlil”jurnali muharrirlari reytingiga ko‘ra, yilning birinchi yarmida Tenge Bank UzAuto Motors avtomobillarini xarid qilish uchun avtokreditlar berish bo‘yicha xususiy banklar orasida yetakchi o‘ringa ko‘tarildi. O'tgan yilning shu davriga nisbatan banklar tomonidan berilgan kreditlarning umumiy hajmida Tenge Bankning ulushi 4 foizga oshdi. Bundan tashqari, 2022-yilda Bank AsiaMoney nominatsiyasida “O‘zbekistonning eng yaxshi investitsiya banki – 2022” va “O‘zbekistonning eng yaxshi xalqaro banki – 2022” nominatsiyalarida g‘olib deb topildi. Shuningdek, Tenge Bank 2022 yilda Oʻzbekiston moliya institutlari orasida fuqarolar va tadbirkorlik subʼyektlarining depozitlarining nisbiy oʻsishi boʻyicha kuchli uchlikka kirdi. Umuman olganda, ikki toifadagi mijozlar bankda 1,55 trillion so‘m yoki 138,3 million AQSh dollari miqdorida pul mablag‘larini saqlamoqda, bu o‘tgan yilga nisbatan uch barobar ko‘pdir. 2022-yilda bank aktivlari 1 trillion so‘mdan ortiq yoki qariyb 90 million dollarga ko‘paydi.Bu, asosan, kredit portfelining 748,7 milliard so‘mga (66,7 million dollar) yoki 43 foizga o‘sishi bilan bog‘liq. Kredit portfelining o‘sishi, ayniqsa, jismoniy shaxslar portfelida yaqqol ko‘zga tashlanadi – 529,7 milliard so‘mga yoki 99 foizga oshib, 1,06 trillion so‘mga yetdi. Shu bilan birga, 2022-yilda bankning mijozlar oldidagi majburiyatlari 1,553 trillion so‘mni (138,3 million dollar) tashkil etdi. Bu aholidan 793,9 milliard so‘m, yuridik shaxslardan esa 759 milliard so‘m mablag‘ jalb etilishining yuqori darajasi bilan bog‘liq. Mijozlar oldidagi majburiyatlarning umumiy oʻsishi 213% ni tashkil etdi.2022-yilda Tenge Bank jismoniy shaxslar uchun “Tenge24” mobil ilovasini ishga tushirdi. Hozirgacha yuklab olinganlar soni 300 000 dan oshdi. Foydalanuvchilar raqamli xizmatlarning barcha turlaridan, jumladan, pul o‘tkazmalari, to‘lovlar, omonat ochish, kreditlarni to‘lash va boshqa ko‘p narsalardan foydalanishlari mumkin. Kelgusida Tenge24 ilovasini yangi xizmatlar, jumladan, bo‘lib-bo‘lib to‘lash, bozor va GovTech xizmatlari bilan to‘ldirish rejalashtirilgan. Shuningdek, 2022 yil davomida Tenge Business yuridik shaxslar uchun Internet-bankingning yangilangan veb-versiyasi ishga tushirildi, uning funksionalligi bank xizmatlarining keng doirasini qamrab oladi va hozir ham kengayishda davom etmoqda.