O‘zbek oshxonasining eng konseptual restorani - O‘zbegim uchun brending
Restoran jarangdor va dongdor nomga ega edi, biz esa unga tayanib, eng premial, shu bilan birga zamonaviy ko‘rinishdagi o'zbek madaniyatining timsoliga aylanadigan brendni yaratishimiz kerak edi.
Muammo, vazifa
Bizning oldimizda tadbirkorlar, xorijliklar va o‘zbek madaniyati ixlosmandlari uchun, har bir kishi O‘zbekistonning gastronomiyasi orqali an’analariga sho‘ng‘ishi mumkin bo‘lgan eng yaxshi o‘zbek restoranining to‘laqonli imidjini yaratish vazifasi turgandi. "O'zbegim Restaurant" "Milliy taomlar" emas, balki har bir tashrif buyurgan inson sof o‘zbek muhitiga sho‘ng‘iydigan premium maskan, restoran-muzey ekanligini ko‘rsatib, mamlakatning barcha go‘zalligi va koloritini namoyon qilish zarur edi.
Yechim
Biz oddiy yechimlarni izlamasligimizni darhol angladik. Birinchi qadam bizning restoranimiz o‘zida namoyon etishi kerak bo'lgan barcha fazilatlarni o'ziga singdira oladigan brend-personajni izlash edi. Dizaynerlardan biri g'ayrioddiy Humo qushini qo'lda chizdi va u natijada logotipning asosini tashkil etdi. Jamoa uni oxirigacha ishlab chiqdi va shrift tanlashga kirishdi. Uning uchun masjidda ishlaydigan tajribali xattotga murojaat qildik. Korporativ rangni tanlash uchun biz mamlakatimizdagi masjidlar va qadimiy binolar gumbazlarini qoplash uchun ishlatilgan moviy rang tusini topish uchun tarixga sho'ng'idik. Restoranning muzeylarga xosligini ko‘p asrlik tarixga ega interyer jihatlarida ham, mamlakatimizning turli burchaklaridan olib kelingan, hamda o‘zbek oshxonasining butun O‘zbekiston hududidan to‘plangan eng qadimiy taomlarining mualliflik talqini yordamida taqdim etishga qaror qilindi. “12 viloyat” konsepsiyasiga ko‘ra, har oyda har bir viloyatning o‘ziga xos madaniy va, albatta, gastronomik xususiyatlari yoritiladi.
Natija
Brendbukda biz pozitsiyalanishning barcha asoslarini, firma elementlarini, shuningdek, standart va unchalik standart bo'lmagan tashuvchilarni qo'ydik. Natijada biz standart yechimlardan voz kechib, odamlar nafaqat o‘zbek oshxonasining mazali taomlarini tatib ko‘rish uchun, balki his-tuyg‘ular va muhit uchun, buyuk O‘zbekiston, uning o‘tmishi va kelajagi bilan tanishish, har bir jihatdan Sharq ruhini singdirish istagi bilan boradigan restoran timsolini yaratishga muvaffaq bo‘ldik.
