UDEA
UDEA - Buyuk Britaniyaning Koventri universiteti bilan qo‘shma ta’lim dasturlarini taklif etuvchi Markaziy Osiyodagi yagona universitet
Muammo, vazifa
Oliy taʼlim muassasalari va abituriyentlar soni yil sayin ortib borayotganiga qaramay, Oʻzbekiston taʼlim bozorida QS reytingi 4 dan yuqori boʻlgan va QS, THE kabi jahon reytinglarida TOP-1000 talikdan joy olgan, sifatli xalqaro ta'lim dasturlarini taqdim eta oladigan yuqori darajadagi oliy taʼlim muassasalaridan taklif mavjud emas edi.
Yechim
Yuqoridagi muammoning yechimi sifatida “Agrobank” ATB rahbariyati iqtisodiyot, moliya va agrobiznes yo‘nalishlarida raqamlashtirish tendensiyalarini hisobga olgan holda, eng talabgir yo‘nalishlar bo‘yicha kadrlar tayyorlashni ta’minlab beradigan oliy ta’lim muassasasini tashkil etishga qaror qildi ва 2022-yil Raqamli iqtisodiyot va agrotexnologiyalar universiteti tashkil etildi. Universitetning maqsadi - Oʻzbekiston yoshlariga sifatli taʼlim berish va butun dunyoda eʼtirof etilgan ilmiy izlanishlar olib borish imkoniyatini yaratishdan iboratdir. Raqamli iqtisodiyot va agrotexnologiyalar universiteti (UDEA) Markaziy Osiyoda birinchi bo‘lib Koventri universiteti (Buyuk Britaniya) bilan hamkorlik shartnomasi tuzdi.
Natija
Natijada Agrobank Britaniyaning Koventri universiteti bilan qo‘shma ta’lim dasturlarini taklif etuvchi Markaziy Osiyodagi yagona UDEA universitetini tashkil etdi. QS World University Rankings ma'lumotlariga ko'ra, Koventri universiteti 30 dan ortiq mamlakatlarda tarmoqlariga ega 50 000 dan ortiq talabalarga global dasturlarni taklif etadi. Universitet QS Stars University Ratings tomonidan 5 yulduzli QS reytingiga ega va Buyuk Britaniyadagi universitetlar orasida TOP-20 talikka kiradi. UDEA, quyidagi taʼlim dasturlarini taklif etadi: • Biznesda axborot texnologiyalari; • Xalqaro moliya va bank ishi; • Buxgalteriya hisobi va moliya; • Marketing va jamoatchilik bilan aloqalar; • Biznesni boshqarish va yetakchilik; • Ingliz va ingliz tillarini chet tili sifatida o‘qitish 2023-yilda Agrobank UDEA universitetidagi Koventri universiteti dasturlariga toʻliq moliyalashtirilgan 200 ta grant ajratdi. To'liq moliyalashtirilgan stipendiya o'qishni qoplash va oylik stipendiyani o’z ichiga oladi.
