Suvchilar maktabi
Suvchilar maktabi - фермерлар ва миробларyb замонавий суғориш технологияларини қўллаш бўйича назарий ва амалий малакасини ошириш
Muammo, vazifa
Йиллар мобайнида Ўзбекистонда сув ресурсларининг самарасиз сарфланиши, шу жумладан Орол денгизи сатҳи кескин камайиши чучук сув тақчиллигига олиб келмоқда. Ажабланарлиси шундаки, чучук сув сарфининг 90% қишлоқ хўжалиги улушига келиб тушади. Замонавий суғориш технологиялари нафақат сув сарфини 30-80% гача камайтириши, балки ҳосилдорликни 20-40% га оширишига қарамай фермерлар ва сув хўжалиги ходимлари ўз ерларида эски очиқ суғориш усулидан фойдаланишни давом эттиришмоқда. Томчилатиб суғориш технологияларини ўрнатган барча фермерлар ҳам етарлича билим ва кўникмаларга эга бўлмаганликлари туфайли ундан тўғри фойдалана олишмаяпти.
Yechim
“Агробанк” АТБ Ўзбекистон ҳукуматининг сув билан боғлик муаммоларини ечишга қаратилган сай-ҳаракатларига кўмаклашиш мақсадида, юртимиз фермерлари ва миробларининг замонавий суғориш технологияларини қўллаш бўйича назарий ва амалий малакасини ўз маблағлари ҳисобидан оширишни мақсад қилиб олди.
Natija
Натижада 2023 йил 29 май куни “Suvchilar maktabi” лойиҳасига старт берилди. Лойиҳанинг асосий вазифаси - 5 та мутахассислар гуруҳини Республиканинг турли туманларига юбориш орқали 60 000 та фермер ва 4 000 дан ортиқ сув махсус хизмат ходимлари (мироблар) ни ўқитиш. Хорижий тажрибани юртимизда жорий этиш учун 15 та туркиялик мутахассислар жалб қилинди. 2023 йил 15 август ҳолатида 106 та туман бўйлаб ўтказилган ўқув-курсларда 35 000 дан ортиқ тингловчи иштирок этди, шундан 12 185 таси фермер хўжалиги раҳбарлари.
