SUV. Hujjatli film
Tadqiqotlarga ko‘ra, yaqin 20 yil ichida O‘zbekistonda suvga bo‘lgan talab sezilarli oshadi va mavjud suv resurslari keskin kamayadi, bu esa joriy suv tanqisligini besh barobargacha oshiradi.
Muammo, vazifa
Nafaqat O’zbekiston, balki Markaziy Osiyodagi suv va unga aloqador muammolar ham mintaqaviy, ham global ahamiyat kasb etayotgani hech kimga sir emas. Haddan tashqari ko’p sug’orish, ekspluatatsiya, suvni samarasiz boshqarish amaliyoti va iqlim o'zgarishi ta'siridan kelib chiqadigan bu qiyin vaziyat bir qancha fojiali oqibatlarga ega ekani hammaga ayon. Biz esa ushbu hujjatli film orqali, aynan ushbu fojiani ko’rsatishga harakat qildik.
Yechim
Suratga olish jamoasi bir necha kunlar davomida respublikaning suv eng taqchil hududlariga tashrif buyurishdi va aholi bilan suhbatlar olib borishdi. Suv bilan bog’liq muammolar ko’lamini o’rganishdi. Bularning barchasi esa hujjatli filmni ko’rayotgan tomoshabinlarda O’zbekistonning chekka hududlaridagi suv taqchilligi bilan bog’liq muammoni anglashlari hamda buni tasavvur qila olishlari, bunga qarshi kurashishni boshlashlari uchun.
Natija
Ushbu hujjatli film tarmoqlarga joylanishi bilan internet foydalanuvchilari orasida mashhurlikka erishdi. Shu kungacha hujjatli film YouTube platformasida 91 ming martadan ortiq ko’rilgan bo’lsa, so’rov asosida televideniya orqali namoyish etilgani ham yuqori ko’rsatkich. Hujjatli film haqida ko’plab ijtimoiy blogerlar o’z sahifalarida taqrizlar e’lon qilishdi, OAV’larda maqolalar chop etildi. O’ylaymizki, vaqti kelib, suv muammosi mintaqada hal bo’lganda, bunda jamoamizning ham zarracha hissasi bo’lsa, mana shu bizning maqsad.
